روزنامہ بصارت, latest News, live news, Breaking News

سال 2021 میں سب سے زیادہ استعمال ہونے والے ایموجیز کونسے ہیں؟

سال 2021 کا اختتام ہونے میں اب چند روز رہ گئے ہیں اور سال کے اس آخری ماہ میں ہر طرح کے رجحان کا جائزہ لیا جارہا ہے جس کی جانب صارفین زیادہ مائل نظر آئے ہیں۔

اس فہرستوں میں رواں سال سب سے زیادہ سنے جانے والے گانے، سب سے زیادہ سرچ کی جانے والی شخصیات اور اب ایموجیز کا بھی شمار ہوگیا ہے۔

حال ہی میں ایک فہرست جاری ہوئی ہے جس میں سال 2021 میں سب سے زیادہ استعمال کئے جانے والے ایموجیز کے حوالے سے بتایا گیا ہے۔

اس فہرست کے مطابق خوشی کے آنسو والا ایموجی سب سے پہلے نمبر پر ہے جبکہ رونے والا ایموجی 5ویں نمبر پر موجود ہے۔

خیال رہے کہ سال 2019 میں بھی خوشی کے آنسو والا ایموجی سب سے زیادہ استعمال کیا گیا تھا۔

ایموجیز،  آن لائن بات چیت، ای میل اور دیگر آن لائن پیامات کے تبادلوں میں کثیر الاستعمال ہے۔

یہ در حقیقت اپنی بات مختصر انداز میں آسان تصویری شکل میں بیان کرنے کی کوشش ہے۔ اس کے لیے عمومًا کسی انسانی تصویر کی بجائے کچھ جذبات یا کیفیات علامتی طرز پر استعمال کیے جاتے ہیں۔