روزنامہ بصارت, latest News, live news, Breaking News

دبئی، الہٰ دین کے حقیقی اُڑنے والے قالین کے چرچے

دبئی میں ایک شخص کی الہٰ دین کا لباس پہنے حقیقی اُڑنے والے قالین پر گھومنے کی ویڈیو سوشل میڈیا پر مقبول ہو گئی۔

غیر ملکی خبر رساں ادارے  کے مطابق الہٰ دین کا لباس پہنے قالین پر اُڑنے والا یہ شخص ایک امریکی یوٹیوبر ہے۔

قابلِ غور بات یہ ہے کہ امریکی یوٹیوبر نے مہارت سے فوائل بورڈ کے نیچے پہیئے لگا دیئے ہیں اور اس  بورڈ کو قالین سے ایسی مہارت سے ڈھانپ دیا ہے کہ دیکھنے والے اسے اصلی اُڑنے والا قالین ہی سمجھ رہے ہیں۔

جبکہ یوٹیوبر اور اس کی ٹیم نے فوائل بورڈ کو  ایسی شکل میں ڈھال دیا ہے کہ یہ ناصرف زمین بلکہ پانی پر بھی اُڑ سکتا ہے۔

دبئی، الہٰ دین کے حقیقی اُڑنے والے قالین کی دھوم

الہٰ دین کا روپ دھارے اس یو ٹیوبر اور اڑنے والے قالین کی ویڈیو پر انٹرنیٹ صارفین دلچسپ تبصرے کر رہے ہیں۔